tg-me.com/sheia/71367
Last Update:
على الدنيــه العفه بعد الميامين
بعد عباس اخوي وبعد الحسين
شســـوي ابدنيتي
عگب ضل اخوتي
*****
يدنياي ارد انشــــــدچ سمعي صوتي
شنو الضل يسوه بيچ اخلاف اخوتي
رحـل كل غالـــي وتمنيــــت مـــوتي
چبيــــره اخـــــلافهم صــارت بلوتي
يدنيه ابلاضـواهم تعمه العيون
مشو عني الضياغم مايرجعون
چبيــره امصيبتي
عگب ضل اخوتي
**
ماضل غالـي بالطف ماخسرته
حتــى البل مهد مــات ودفنته
تعذبـت اشكثــر والمــر جرعته
يدنيه وحتى نجم الظهر شفته
انكسر ضهري يدنيه وشيب الراس
بعد موت الحسيـــن وموت عباس
يهضمــي ولوعتي
عگب ضل اخوتي
***
عطاشه انذبحو ابطال الميادين
دم ابچــي عليهم وعمي ياعين
ابد ماقصرو عن نصــرت الدين
ونطو روســــهم بالطف قرابين
گمت اترجه ودعـي ابعالي الصوت
اقبض روحي وي اخواني يا موت
اريــدن موتتـــــي
عگب ضل اخوتي
*****
ضعن افراگهم شــد وبعد اهواي
اجيت اويـاهم وما رجعو اوياي
سند چانو أليه وعــزوه وفيـــاي
همه احزام ظهري وهمه رجواي
الشمس والگمر غابو وظلم الكون
عافـوني وجفـوني ومـا يرجعون
ابتليت ابمحنــتي
عگب ضل اخوتي
*****
صحت بصوت منه اتشيب الچفون
ليــــش ألـي نحبــــــهم مـا يضلون
عــــذاب افراگــــهم ويغــــير ألـون
يا دنيـــه ارحلـــو ماضن يعــودون
على اخواني الجفوني اتغير الحال
ثگيله همـوم گلبـي ابثگل الجبـــال
متســعد حالـــتي
عگب ضل اخوتي
******
الخادم
كامل السعيدي
BY قناة مسلم المطيري
Warning: Undefined variable $i in /var/www/tg-me/post.php on line 283
Share with your friend now:
tg-me.com/sheia/71367